CYNADLEDDAU

Mae Canolfan Adnoddau Cymunedol Forge Fach yng Nghlydach, sydd wedi cael ei gwobrwyo, yn fan cyfarfod delfrydol ar gyfer eich anghenion hyfforddi, seminarau a chynadleddau bach i ganolig, am bris cystadleuol dros ben.

Saif yng nghalon Clydach mewn parcdir deniadol ger Afon Clydach a'r rhaeadrau, a darpara'r ganolfan flaengar hon amrywiaeth o adnoddau i sicrhau digwyddiad llwyddiannus, boed yn sesiwn hyfforddiant un dydd, neu'n gynhadledd lawn ag ystafelloedd ymneilltuo. Gellir addasu pecyn ystafell i ddiwallu'ch anghenion penodol chi.

Mae gan bob ystafell, gan gynnwys y neuadd, allfeydd data a llais. Mae'r neuadd fawr wedi'i chyflenwi â system dolen sain i gynorthwyo pobl sy'n drwm eu clyw.
Os oes angen arlwyo ar gyfer eich digwyddiad, gall ein caffi ddarparu amrywiaeth o fwffes twym ac oer.

Mae'n hawdd iawn cyrraedd Forge Fach, sydd wedi'i lleoli ychydig filltiroedd yn unig i'r gogledd o gyffordd 45 yr M4.

Mae ein staff bob amser ar gael i drafod eich anghenion. Rhowch alwad i ni neu gallwch ofyn am gopi o'n Pecyn Cynadleddau.

Mae nifer o ystafelloedd ar gael a gellir eu teilwra i ddiwallu eich anghenion unigol chi.

Gall y neuadd fawr amlbwrpas, gyda'i heisteddle renciog ôl-dynadwy, ddal 150 o bobl, sy'n berffaith ar gyfer cyfarfodydd mwy, cynadleddau, cyflwyniadau, seminarau, darlithoedd etc.

Gall ein hystafell hyfforddiant ddal hyd at 25 o bobl, a'r ystafell gyfarfod, ar y llawr cyntaf, ddal 12 o bobl yn gyfforddus a thiwtoriaid yn ychwanegol i hynny, sy'n berffaith ar gyfer grwpiau a dosbarthiadau llai.

Gall yr ystafell gyfarfod llawr gwaelod ddal hyd at 35 o bobl, neu gellir ei rhannu'n ddwy uned lai, sy'n berffaith fel ystafelloedd ymneilltuo neu weithdai.

MANYLION, MEINTIAU A PHRISIAU YSTAFELLOEDD

Cliciwch ar y lluniau i weld fersiynau mwy

OFFER AR GAEL I'W LOGI