MEITHRINFA DYDD FORGE FACH

Amdanom ni

• Adeiladwyd Meithrinfa Dydd Forge Fach yn bwrpasol ac mae wedi'i chofrestru ar gyfer plant a babanod rhwng 0 ac 8 mlwydd oed.
• Cynigwn wasanaeth gwych i rieni/gwarcheidwaid a gofal safonol ac addysg i blant a babanod rhwng 0 ac 8 blwydd oed.
• Rydym wedi cofrestru gyda'r AGGCC ar gyfer 12 babi/plentyn 0-2 oed a 12
  plentyn 2-8 oed.
• Mae gennym gyfleusterau ac adnoddau gwych ac ar ben hynny oll mae gennym dîm gwych o staff i ofalu am eich anwyliaid bach.
• Cynigwn oriau agor ymarferol, dydd Llun i ddydd Gwener, gan gynnig llefydd rhan amser/amser llawn a sesiynau chwarae.
• Mae cynllun y Feithrinfa'n ddifyr, llachar a deniadol i blant, gydag ardaloedd chwarae actif, bwyta, cysgu ac amser tawel.
• Mae'r holl offer, dodrefn a chyfleusterau wedi'u dylunio'n arbennig ar gyfer plant.

Gweithio Gyda'r Rhieni

Yn Forge Fach, deallwn fod gadael eich plentyn mewn Meithrinfa am y tro cyntaf yn gallu achosi straen a gofid i chi ac i'ch plentyn ar adegau, felly, rydym yn ceisio gwneud hyn mor hawdd â phosib.

Unwaith y mae'ch lle wedi'i neilltuo, ond cyn i'ch plentyn ddechrau yn y Feithrinfa, cynigwn gyfle i chi a'ch plentyn fynychu 'sesiynau ymgartrefu'. Mae'r profiad yma'n amhrisiadwy a bydd yn ein galluogi ni i adeiladu perthynas bwysig gyda chi.

Sicrheuwn eich bod yn cael cyfleoedd i siarad â Gweithiwr Allweddol eich plentyn ac aelodau eraill o staff y Feithrinfa. Mae cyfathrebu da rhwng y staff a'r rhieni yn hollbwysig, oherwydd bydd yn ein galluogi i ddarparu adroddiadau llawn ar gynnydd, anghenion a datblygiad eich plentyn ac i ateb unrhyw gwestiynau sydd gennych.

Cynhelir nosweithiau rhieni yn gyson, sy'n rhoi cyfle i chi a Gweithiwr Allweddol eich plentyn drafod cynnydd, anghenion a datblygiad eich plentyn. Cynhyrchir cylchlythyrau misol ar gyfer y rhieni gan fanylu ar weithgareddau a chynigion y Feithrinfa, gwybodaeth gyffredinol, newidiadau mewn polisïau ac unrhyw wybodaeth arall y dylech chi, fel rhiant, fod yn ymwybodol ohoni.

Ein System Gweithiwr Allweddol

Bydd Gweithiwr Allweddol yn cael ei benodi i'ch plentyn i annog, cefnogi a datblygu ei sgiliau a sicrhau bod anghenion unigol eich plentyn yn cael eu diwallu. Anogwn rieni i adeiladu perthynas gyda'r holl staff sy'n gofalu am eich plentyn er mwyn ceisio sicrhau bod wyneb cyfarwydd i chi a'ch plentyn yno bob amser.

Diogelu ac Amddiffyn eich Plentyn

Cynllunnir pob dydd yn ofalus i sicrhau bod eich plentyn yn derbyn y cyfleoedd dysgu gorau mewn amgylchedd diogel, difyr a gofalgar gan sicrhau hefyd ein bod yn diwallu anghenion cymdeithasol, corfforol ac emosiynol pob plentyn.

Sylweddola'r tîm yn y Feithrinfa bwysigrwydd adeiladu perthynas o hyder ac ymddiriedaeth rhwng rhieni a gwarchodwyr o'r diwrnod cyntaf un, er mwyn sicrhau bod anghenion unigol y rhieni/gwarchodwyr yn cael eu diwallu. Mae pob aelod o staff yn cael gwiriad y CRB (Swyddfa Cofnodion Troseddol) a hyfforddiant Cymorth Cyntaf Pediatrig a Hylendid Bwyd Sylfaenol, ac yn dilyn ein safonau a'n gweithdrefnau.

Yn amlwg mae amgylchedd diogel a saff yn bwysig iawn i unrhyw riant/warchodwr sy'n gadael eu plentyn mewn Meithrinfa. Oherwydd hyn mae gan ein Meithrinfa System Mynediad diogel sy'n golygu na all unrhyw riant nac ymwelydd fynd i mewn i'r Feithrinfa heb gael eu cyfarch gan aelod o'r staff. Yn ogystal mae CCTV yn y Ganolfan drwyddi draw.

Dim ond y sawl sydd â'r awdurdod i gasglu'ch plentyn ac yn gwybod y cyfrinair yr ydych chi wedi'i ddarparu iddynt ac i ni a gaiff fynediad i'r Feithrinfa a chael casglu'ch plentyn. Bydd eich plentyn yn cael ei fewngofnodi ar gofrestr yr ystafell bob tro bydd yn mynychu'r Feithrinfa a'i allgofnodi pan gaiff ei gasglu.

Mae Iechyd a Diogelwch yn rhan bwysig o fywyd y Feithrinfa hefyd. Rydym yn sicrhau bod ein Meithrinfa'n darparu amgylchedd diogel i bob plentyn, rhiant/gwarchodwr a gweithiwr. Mae'r staff i gyd yn ymroddedig i sicrhau bod pob gweithdrefn diogelwch yn cael eu dilyn yn drylwyr.

Bwyta'n Iach

Ym Meithrinfa Forge Fach, credwn y dylai prydau bwyd fod yn amser cymdeithasol a hapus lle gellir datblygu sgiliau a blasu bwyd!

Cynllunnir pob pryd bwyd yn ofalus i ddiwallu anghenion a gofynion pob plentyn ac i fod yn faethlon a blasus. Mae llaeth, dwr neu sudd gwanedig ar gael drwy gydol y dydd.

Os oes gennych unrhyw ofynion penodol neu unrhyw ofynion diet arbennig, dywedwch wrth Reolwr y Feithrinfa a byddwn yn darparu ar gyfer eich plentyn yn unigol.

Materion Addysg

Bydd cyfnod eich plentyn yn y Feithrinfa yn cael ei gynllunio'n ofalus a phob gweithgaredd yn cael ei baratoi'n addas ar gyfer pob grwp oedran.

Yn Forge Fach rydym yn dilyn rhaglenni addysg Fframwaith a Chyfnod Sylfaenol 'Geni i Dair Oed' i sicrhau bod y plentyn yn cael y dechrau gorau posib i'w addysg mewn amgylchedd cyffrous a chefnogol.

Mae Geni i Dair Oed yn cydnabod fod angen datblygu a dysgu drwy ryngweithio â phobl ac archwilio'r byd o'u cwmpas ar bob plentyn 0-3 oed. Rhennir Geni i Dair Oed yn bedair 'Elfen' sy'n canolbwyntio ar sgiliau a chymhwysedd babanod a phlant ifanc ac yn amlygu'r gydberthynas rhwng twf, dysgu, datblygu a'r amgylchedd ble maent yn derbyn gofal ac addysg.

Mae'r pedair agwedd yma wedi'u rhannu'n gydrannau sy'n AGWEDDAU ac ELFENNAU.

Mae'r Cyfnod Sylfaenol ar gyfer plant 3-5 oed. Mae'n gosod chwe maes dysgu:

• Datblygiad Personol, Emosiynol a Chymdeithasol
• Sgiliau Iaith, Llythrennedd a Chyfathrebu
• Datblygiad Mathemategol
• Gwybodaeth a Dealltwriaeth o'r Byd
• Datblygiad Corfforol
• Datblygiad Creadigol

Mae pob aelod o'r staff yn cynnal gweithgareddau wedi'u cynllunio i geisio diwallu anghenion pob plentyn gyda chymorth cynllunio ar sail arsylwadau.

Beth I'w Wneud Nawr

Os hoffech unrhyw wybodaeth bellach neu os hoffech drefnu i gael golwg ar y Feithrinfa, cysylltwch â ni ar 01792 849071, www.forgefachdaynursery.co.uk neu ysgrifennwch at:

Meithrinfa Dydd Forge Fach
Canolfan Adnoddau Cymunedol Forge Fach
Heol Hebron
Clydach
Abertawe
SA6 5EJ