EIN TENANTIAID

Yn ogystal â'n Meithrinfa a'n Caffi, mae Forge Fach yn awr yn ganolfan i denantiaid eraill, sy'n cynnwys Ymddiriedolaeth Ddatblygu Cwmni Clydach a'r Gymdeithas Trafnidiaeth Gymunedol.

Ymddiriedolaeth Ddatblygu Cwmni Clydach

Wedi chwe blynedd o breswylio'n INCO, a roddodd gefnogaeth allweddol er mwyn gwireddu'r syniad o sefydlu Forge Fach , yn ogystal â llwyddiannau eraill yr Ymddiriedolaeth yng Nghlydach, mae swyddogion yr Ymddiriedolaeth yn awr wedi symud i'w swyddfeydd newydd deniadol yn y ganolfan. Am wybodaeth bellach am yr Ymddiriedolaeth a sut gallwch gymryd rhan a rhoi cymorth i ffurfio dyfodol Clydach ewch i'w gwefan; www.clydachtrust.org.uk

Cymdeithas Trafnidiaeth Gymunedol

Mae CTC yn elusen genedlaethol sy'n tyfu'n gyflym, yn rhoi llais ac yn darparu arweinyddiaeth, dysg a chefnogaeth menter i amrywiaeth o sefydliadau gan gynnig dulliau trafnidiaeth arloesol a hyblyg er mwyn cyflawni newid cymdeithasol yn eu cymunedau. Mae'r rhain yn cynnwys elusennau, grwpiau gwirfoddol neu gymunedol, mentrau cymdeithasol, colegau ac awdurdodau lleol.

Sefydliad i aelodau yw'r CTC sy'n cynnig amrywiaeth o wasanaethau cefnogi uniongyrchol i'w aelodau ac fe'i hadnabyddir gan lywodraeth y DU a'r llywodraethau wedi'u datganoli fel "llais trafnidiaeth wirfoddol a chymunedol". Hyrwydda'r CTC ragoriaeth drwy gyngor a chefnogaeth, hyfforddiant, cyhoeddiadau, digwyddiadau a fforymau rhanbarthol ar drafnidiaeth wirfoddol, gymunedol a hygyrch. Darpara hefyd wasanaeth ymgynghori masnachol.

Mae strwythur y yn ddatganoledig, a chanddi dimau gwlad ar draws y DU. Mae prif swyddfa tîm CTC Cymru/Wales wedi'i lleoli yng Nghanolfan Adnoddau Cymunedol Forge Fach (08707 743593), a thîm Gogledd Cymru wedi'i leoli ar y cyd â CGGC yn Neuadd y Morfa, Rhyl (08707 708993).

Am wybodaeth bellach ewch i'n gwefan: www.ctauk.org